|
Avstraliyada zavodda güclü yanğın baş verib

Avstraliyanın Melburn ştatında kimyəvi reagentlərin istehsal olunduğu zavodda güclü yanğın baş verib.

Trend-in KİV-lərə istinadən verdiyi məlumata əsasən, Melburn şəhərində baş verən yanğınla 100 nəfər yanğınsöndürən və 30 ədəd texnika mübarizə aparır.

 

Qeyd olunur ki, yanğın yerli vaxtla səhər 05:00-da baş verib. Yerli sakinlər bildirirlər ki, yanğın yerindən partlayış səsləri də gəlir. Hakimiyyət yanğın ərazisinə yaxın 11 yaşayış rayonunun sakinlərinə evdə qalmağı tövsiyə edib.

Xəsarət alan barədə məlumat verilmir.