|
Siyavuş Novruzov: İnsan alveri terrora bərabər tutulmalıdır

“Əgər hər hansı ölkədə ictimai-siyasi sabitlik pozulubsa, orada insan alveri, narkotik dövriyyəsi, uşaqların əməyə cəlb olunması baş alıb gedəcək, qanunvericiliyin pozulması nəticəsində bu hallar daha da artacaq. Azərbaycan bu məsələlərə görə nümunəvi ölkələrdəndir”.

Trend-in məlumatına görə, bunu Milli Məclisin deputatı Siyavuş Novruzov parlamentin iclasında çıxış edərkən deyib.

O bildirib ki, bu gün Avropa ölkələrində insan alveri ilə bağlı rəqəmlər Azərbaycanla müqayisədə qat-qat yüksəkdir: “Avropa ölkələrində insan alverinin qurbanları müxtəlif işlərə cəlb edilir, miqrantlar konslagerlərdə saxlanılırlar. Buna baxmayaraq, həmin ölkələr başqalarına demokratiya dərsi keçməyə çalışırlar. Həmin ölkələrdə vəziyyəti gördükdə deyə bilərik ki, Azərbaycanda insan alveri ilə mübarizə işi çox yaxşı qurulub”.