|
Türkiyə və Özbəkistan prezidentləri arasında telefon danışığı olub

Şənbə günü Türkiyə və Özbəkistan prezidentləri Rəcəb Tayyib Ərdoğan və Şavkat Mirziyoyev aralarında telefon danışığı olub.

Trend-in türk KİV-lərinə istinadən verdiyi məlumata əsasən, danışıq zamanı Özbəkistan prezidenti qeyd edib ki, onun 2017-ci il oktyabr ayında Türkiyəyə səfəri ölkələr arasında qarşılıqlı faydaya əsaslanan çoxtərəfli əməkdaşlığı yeni səviyyəyə qaldırıb.

 

Ərdoğan, öz növbəsində, həmkarına Türkiyə vətəndaşlarına turizm vauçerlərinə və Özbəkistan təşkilatlarının dəvət məktublarına ehtiyac olmadan 30-günlük vizanın verilməsinə görə təşəkkürünü bildirib.

Söhbət zamanı həmçinin digər aktual məsələlər müzakirə olunub.