|
Meksika: zəlzələdən sonra daşqınlar - 2 ölü

Meksikanı zəlzələdən sonra indi də sel suları qərq edib. Trend-in məlumatına görə, ölkənin şimalında biri uşaq olmaqla 2 nəfər daşqınlar nəticəsində həlak olub.

Son məlumata görə, Tamaulipas ştatında 18 min sakin daşqınlardan ziyan çəkib.

Ştatın Xilasetmə Xidmətindən verilən məlumata görə, dərhal müvafiq tədbirlərə başlanılıb və 330-dan artıq sakin təxliyə edilib. Kəskin hava şəraitində vətəndaşların Rusiya istehsalı olan "Ural" yük maşınları ilə daşındığı bildirilir.

Xidmətdən verilən məlumata görə, daha çox Altamira şəhəri daşqınlardan əziyyət çəkib.