Amerikan rəssam Cey Key Keller 18 ildir ki, özünün fotosunu hər gün çəkib. Son nəticədə 3.5 dəqiqəlik videorolik ərsəyə gəlib.
Keller deyib ki, 1998-ci ildən fotosunu çəkməyə başlayıb. Buna səbəb isə sevgilisinin onu baha qiymətə rəqəmsal fotoaparat aldığına görə tənqid etməsi olub. Bu tənqiddən sonra Cey özünü çəkməyə davam edib və ondan ayrılıb. Rəssam deyib ki, hər zaman fotoaparatın qarşısında ən səmimi halı ilə dayanıb, çünki şəkillərinin səmimi və obyektiv görünməsini istəyib. Onun sözlərinə görə, dünyada xeyli cəlbedici, uzunmüddətli və populyar obyektlər var: “Amma mən həyatım davam etdiyi müddət boyunca selfimi çəkəcəm və 8 ildən bir videohesabat kimi bu cəmiyyətlə paylaşacam”.
Hal-hazırda Keller Alyaskada yaşayır və eyni zamanda fotoqraflıqla məşğul olur. Onun əsərləri dünyanın bir çox sərgilərində nümayiş etdirilir.
Cia.az
