Bu günlərdə Amerikanın Nyu-York şəhərində “New-York Pet Fashion Show” — ev heyvanları üçün moda nümayişi keçirilib.
Bu barədə lenta.ru saytı “ABC News”a istinadən xəbər yayıb. Hər il keçirilən və bu il 14-cü dəfə baş tutan tədbirə 10 ölkədən 700 nəfər qatılıb. Modellər qismində itlər, pişiklər, bir neçə siçan və kərtənkələ çıxış edib. Bu heyvanlara xüsusi geyimlər geyindiriblər. Hətta onların arasında fərqli xalqların milli geyimini geyinənlər də olub. Onları podiuma sahibləri çıxardıb.
İzləyicilərə ABŞ-ın birinci maliyyə naziri Aleksandr Qamiltonun geyimini geyinən pişik nümayiş etdirilib. Nümayişin sonunda “Qızıl pəncə” mükafatının qalibləri də seçilib. Noyabr ayında isə onlarla it karnaval geyimləri geyinərək, hər il keçirilən Helloin paradına qatılmışdılar.
Cia.az
