Dodon Brüsseldə özünü Moldova prezidenti kimi aparmayıb.
Bu barədə bəyanatı Moldovanın hakim Demokratik Partiyası yayıb.
“Prezidentin səfəri partiya sədrinin səfərinə bənzəyir. Dodon Brüsseldə özünün Sosialistlər Partiyasının siyasi layihəsini nümayiş etdirib. Ölkə lideri özünü Moldovanın bütün vətəndaşlarının prezidenti kimi aparmayıb. Moldova bundan sonra avrointeqrasiya yolundan əl çəkməyəcək”, –bəyanatda deyilir.
Qeyd edək ki, Demokratik Partiya hazırda Moldova parlamentində böyük üstünlüyə sahibdir. Hazırkı hökumət də bu partiyadan formalaşıb.
Dodon dünən Brüsseldə çıxışı zamanı Moldovanın Rusiya ilə münasibətlərinin Avropa ilə əlaqələrdən üstün olduğunu açıqlayıb.
Cia.az
