Türkiyənin Batman rayonunda polislərə qarşı terror həyata keçirməyə hazırlaşan Suriya vətəndaşı tutulub.
Musavat.com-un məlumatına görə, bu barədə rayon valiliyindən açıqlama verilib. Açıqlamaya əsasən, Batman polis idarəsinin terrorla mübarizə şöbəsi İluh məhəlləsində yerləşən, Suriya vətəndaşının yaşadığı bir evə əməliyyat təşkil edib.
Evdə axtarış aparan polislər 1 “Kalaşnikov” avtomatı, 2 daraq, çox sayda mərmi, 2 ov tüfəngi, külli miqdarda narkotik maddə ələ keçirib. Saxlanılaraq polis idarəsinə gətirilən suriyalı daha sonra məhkəmənin qərarı ilə həbs edilib.
cia.az
