|
Razılıq əldə olundu:

Sakinlərin Suriyanın Hələb şəhərindən təxliyə olunması 2 gün fasilədən sonra yenidən başlayıb. 

Bu barədə xəbər Türkiyənin Milliyet.com saytında yer alıb. Suriya ordusu ilə müxalif güclər arasındakı razılığa əsasən, bir neçə saat sonra müxaliflərin nəzarətində olan Fua və Kefreya bölgələrindən təxliyə konvoylarının yola çıxması gözlənilir. 
Qeyd edək ki, müxaliflərlə rejim qüvvələrinin arasındakı razılıq Türkiyə və Rusiyanın vasitəçiliyi ilə baş tutub. Razılığa əsasən, mülki şəxslərin 20 mini dekabrın 19-da, qalan hissəsi isə dekabr ayının 21-də şəhərdən çıxarılacaq. Razılıq əldə edildikdən sonra təxliyə edilən 500 nəfərilik ilk qrup isə artıq Hələbin qərbinə çatıb. 
Xatırladaq ki, cümə axşamı və cümə günü Hələbin qərbinə doğru hərəkət edən təxliyə korejinə hücum edilmiş, 18 mülki şəxs öldürülmüşdü.
Cia.az