|
Reuters: Avropa İttifaqı Rusiyaya qarşı sanksiyaların müddətini uzadacaq
Avropa İttifaqı dekabrda Brüsseldə keçiriləcək sammitdə Rusiyaya qarşı iqtisadi sanksiyaların müddətini uzadacaq.
 
APA-nın xəbərinə görə, bu barədə “Reuters” agentliyi diplomatik mənbəyə istinadən məlumat yayıb. 
 
“Heç bir şübhə yoxdur ki, sanksiyaların müddəti uzadılacaq. Çox güman ki, bu, dekabrın 20-dək baş tutacaq”, deyə mənbə bildirib.
 
Qeyd edək ki, dekabrın 15-16-da Brüsseldə Avropa İttifaqının sammiti keçiriləcək. Tədbir çərçivəsində Fransa və Almaniya liderləri  Ukraynadakı son vəziyyətlə bağlı sammit iştirakçılarını məlumatlandıracaqlar. Sanksiyalar əsasən maliyyə, müdafiə və energetika sahələrini əhatə edir.