"Bavariya"nın baş məşqçisi Karlo Ançelotti La Liqada "Barselona" - "Real" oyunu öncəsi açıqlama verib.

Qol.az-ın Almaniya mətbuatına istinadən yaydığı xəbərə görə, o deyib ki, "El-Klassiko"nu izləyib-izləməyəcəyi komandasının "Maynts"la oyununun nəticəsindən asılı olacaq:

"Əgər "Maynts"a uduzsaq, ağlayacam. Buna görə də "El-Klassiko"ya baxa bilməyəcəm".

Qeyd edək ki, K.Ançelotti  2013-2015-ci illərdə "Real"ı çalışdırıb.

Əlavə edək ki, "Maynts" - "Bavariya" görüşü sabah keçiriləcək. "Maynts" "Qəbələ"nin Avropa Liqasındakı rəqiblərindən biridir.