|
ABŞ bizə əngəl olmasın - Rusiya
Əgər ABŞ terrora qarşı mübarizə aparmayacaqsa, onda bizə maneə olmasın.
 
Axar.az xəbər verir ki, bunu Rusiya Müdafiə Nazirliyinin sözçüsü İqor Konaşenkov deyib.
 
“Bizim ehtimallarımız doğru çıxdı. Terrorla mübarizə Ağ Evin gündəmində deyil. ABŞ müzakirələrə maneə oldu. Müxalif qüvvələrlə terrorçuları ayırd etmək vəzifəsini yerinə yetirmədi. İndi də ABŞ 2014-cü ildən bəri Suriyadakı uğursuzluqlarını pərdələmək üçün Rusiyanın antiterror əməliyyatlarına maneə olur”, - Konaşenkov bildirib.
 
Qeyd edək ki, ABŞ Dövlət Departamentinin sözçüsü Mark Toner Suriyada rus təyyarələrinə yanacaq daşıyan tankerlərə yardım edilməməsi barədə çağırış edib.
Cia.az