Türkmənistanın Ahal vilayətində xüsusi xidmət orqanlarının keçirdiyi əməliyyat zamanı 19 nəfər saxlanılıb.
Bu barədə Türkmənistan KİV-i xəbər yayıb.
Məlumata əsasən, saxlanılanların böyük əksəriyyəti biznesmenlərdir. Onların hamısı Türkmənistan -Türkiyə məktəbləri və ya Türkiyə universitetlərinin məzunlarıdır. Onlar Fəthullah Gülənin yaratdığı “Hizmət” hərəkatı ilə əlaqədə şübhəli bilinirlər.
Xatırladılır ki, sentyabrın 13-də Türkmənistan və Türkiyə prezidentləri arasında telefon danışığı olub. Rəsmi məlumatlara əsasən, liderlər bir sıra regional və beynəlxalq məsələləri müzakirə ediblər. Qeyri-rəsmi məlumatlara görə, telefon danışığı zamanı söhbət “bütün region üçün təhlükə törədə biləcək” Gülən tərəfdarları ilə birgə mübarizədən gedib.
Cia.az
