|
Yumurta ilə gözəlləşin

Bir çox vasitələrlə dəriyə qulluq edilsə də, yumurtanın əvəzsiz faydaları var. 

Axşam.az xarici mətbuata istinadən xəbər verir ki, bu üsulları tətbiq etməklə özünüz də nəticənin şahidi olacaqsınız.

Üz dərinizi gözəlləşdirin:

Üzünüzü və boynunuzu ilıq su ilə yuyun. Bir yumurtanı çalaraq köpük halına gətirin. Dodaq və göz ətrafınız xaric bütün üzünüzə və boynunuza tətbiq edin. 15-20 dəqiqə gözlədikdən sonra nəmli salfetlə silin. 

Sızanaqlara qarşı istifadə edin: 

Üzünüzü yuyub durulayın. Yumurta ağını köpük halına gətirib 2 qaşıq limon suyu ilə qarışdırın. Yarım qaşıq bal əlavə edin. Dodaq və göz ətrafınız xaric üzünüzə tətbiq edib 10-15 dəqiqə gözlədikdən sonra ilıq su ilə yuyun. 

Göz qapaqlarını qaldırın: 

Göz qapaqlarınızı təmizləyib qurulayın. Bir yumurta sarısını köpük halına gətirənə qədər qarışdırın. Qırış olan bölgələrə sürtün və quruyana qədər gözlərinizi açmayın. Daha sonra təmizləyin. 

Gözaltı şişkinliklərə və qaraltılara son: 

Göz altlarınızı yaxşıca təmizləyib qurulayın. Yumurtanın içini çıxarıb diqqətlə pərdəsini soyun. Çıxardığınız pərdəni gözlərinin altına tətbiq edin. Gözlərinizlə təmas etməməsinə diqqət edin. Daha sonra ilıq su ilə yuyun. 

Saçlarınızı canlandırın: 

1-2 yumurta sarısını qarışdırın, əzilmiş yarım avokado əlavə edib qarışdırın. Saçlarınıza tətbiq edib 30 dəqiqə gözləyin. Yumurtaların bişməməsi üçün soyuq su ilə yuyun.

Cia.az