Gəmilərimiz bundan əvvəl də Aralıq dənizində olub, şübhələnmək üçün bir əsas yoxdur.
Axar.az xəbər verir ki, bunu Rusiya Xarici İşlər Nazirliyinin nümayəndəsi Andrey Kalin NATO-nun Baş katibi Yens Stoltenberqin açıqlamasına münasibət bildirərkən deyib.
Onun sözlərinə görə, Rusiya Hələbdə hava hücumlarını dayandırıb, Stoltenberqin narahatlığına heç bir səbəb yoxdur:
“Gəmilərimiz bundan əvvəl də Aralıq dənizində olub. Şübhələnmək üçün bir əsas yoxdur. Rusiya döyüş təyyarələri də Hələbdə əməliyyat keçirmir. Bu cür qeyri-dəqiq cümlələr qurub bunun üzərində siyasi maraqları müdafiə etməyin səbəbi nədir? Bu, tamamilə absurddur”.
Xatırladaq ki, Stoltenberq Rusiyanın “Admiral Kuznetsov” təyyarədaşıyan gəmisinin Aralıq dənizinə göndərilməsinin narahatlıq yaratdığını demişdi. Baş katib gəmidəki döyüş təyyarələrinin Hələbə hava zərbələri endirəcəyini iddia edib.
cia.az
