|
Saxta polislər tutuldu

İstanbulda özlərini polis kimi təqdim edib yoldan keçən maşınlarda axtarış aparan iranlılar tutulub. 


Musavat.com-un məlumatına görə, saxta polislər “axtarış” apardıqları maşınlardan pul oğrulayıblar. Belə ki, 5 gün əvvəl polisə bu barədə şikayət daxil olub. Rafiq B. və Muhammet G. polis idarəsinə gələrək yolda avtomobili saxlayan polislər tərəfindən soyulduqlarını bildiriblər. 
 
Bundan sonra biri qadın olan 3 iranlı polis tərəfindən saxlanılıb. İranlıların evi axtarılıb və evdən FBİ papaqları, çox miqdarda dollar və avro çıxıb. 
 
Polis idarəsinə gətirilən iranlıların eyni yolla 4 əlcəzairlini də soyduqları məlum olub. Şübhəlilərin digər cinayətləri araşdırılır.