|
“İncirlik” aviabazası Gülənin işi ilə əlaqələndirilməməlidir - Türkiyədən açıqlama
“İncirlik” aviabazası Türkiyənin müttəfiqləri tərəfindən İŞİD-ə qarşı mübarizə üçün istifadə olunur və bu məsələ Gülənlə bağlı işlə əlaqələndirilməməlidir. APA-nın “RİA Novosti”yə istinadən verdiyi xəbərə görə, bu barədə Türkiyə XİN-dən bildirilib.
 
“Əgər biz beynəlxalq arenada lazımi tədbir və addımlardan danışırıqsa, onlar beynəlxalq razılaşmalara uyğundur - bizim üçün hüquqi çərçivə çox əhəmiyyətlidir. “İncirlik” bazasına gəlincə, biz hazırda onu İŞİD-lə mübarizə üçün koalisiyanın ixtiyarına vermişik, bu məsələnin Gülənin təşkilatı ilə əlaqəsi yoxdur”, - deyə Türkiyə XİN-dəki mənbə bildirib.  
 
Mənbə qeyd edib ki, Türkiyə tək İŞİD-lə yox, FETÖ və PKK ilə də mübarizədə dost və tərəfdaş ölkələrdən dəstək gözləyir. 
Cia.az