Terrorçular animator və ya bayram təşkilatçısı adıyla uşaqlar arasına soxulub kütləvi qırğın törətmək planlaşdırırlar…
Rusiyanın uşaq müəssisələrində və məktəblərdə təhlükəsizliklə bağlı genişmiqyaslı yoxlamalara başlanılıb. Buna səbəb “İŞİD” yaraqlılarının ölkənin tədris müəssisələrində teraktlar hazırlaması barədə operativ informasiyaların alınması olub.
Həmin məlumatlara əsasən Ukraynadan olan 3 “İŞİD” üzvü animator, yaxud bayram təşkilatçıları adıyla bağça, yaxud məktəblər daxil olmaqla kütləvi qırğın törətməyi planlaşdırırlar. Hüquq-mühafizə orqanlarına biri qadın, ikisi kişi olan şübhəlilərin adları da məlum olub: 19 yaşlı Marina Şerbakova, 22 yaşlı Sergey Malyuta və 52 yaşlı Aleksandr Şapovalov. Rusiya ərazisində saxta pasportlarla gəzdiyi bildirilən həmin şəxslər hazırda polis tərəfindən axtarılır.
Artıq məktəbəqədər tədris müəssisələrinin rəhbərlərinə animator və bayram təşkilatçıları seçimində diqqətli olmaları barədə yazılı tövsiyələr göndərilib. (moderator.az)
Cia.az
