Tiflis Şəhər Məhkəməsi Gürcüstanın keçmiş baş naziri Vano Merabişviliyə 6 il 9 ay həbs cəzası verib.
Axar.az xəbər verir ki, bu barədə informasiyanı Gürcüstan mətbuatı yayıb.
Qeyd edək ki, Merabişvili 2005-ci ildə deputat Valeri Gelaşviliyə hücumda ittiham olunur. Rəsmi Tiflisin iddiasına görə, 2005-ci ildə Saakaşvilinin təhqir edilməsindən sonra məhz Merabişvili xüsusi təyinatlılara Gelaşvilinin döyülməsi haqqında əmr verib.
Merabişvili artıq uzun müddətdir ki, həbsdədir. O, 2011-ci ilin mayında müxalifətin keçirdiyi mitinqin güc yoluyla dağıdılmasında ittiham olunub və ona 4,5 il həbs cəzası verilib.
Merabişvili 2004-2012-ci illərdə Gürcüstanın daxili işlər naziri, 2012-ci ildə isə 4 ay baş nazir olub. O, eks-prezident Mixail Saakaşvilinin ən yaxın adamlarından hesab edilir.
cia.az
