Türkiyənin məşhur müğənnisi və tez-tez adı qalmaqallarda hallanan Bülənt Ersoy bu dəfə təyyarədə stüardessalarla dalaşıb.

AzVision.az-ın yerli mətbuata istinadən verdiyi məlumata görə, Antalyadan İstanbula gəlmək üçün təyyarəyə minən müğənni stüardessanın kəmərləri bağlamaq tələbini yerinə yetirməyib və onlarla dalaşıb.

Buna görə də pilot təyyarəni havaya qaldırmayıb və B.Ərsoya görə 1 saat təyyarə gecikib. Bundan qəzəblənən digər sərnişinlər də müğənni ilə dalaşıb.

Daha sonra müğənni kəmər taxmağa razı olub və uçuş həyata keçirilib.

Lakin, sərnişinlər B.Ərsoyla bağlı Türk Hava Yollarına şikayət ediblər.