|
Yaponiya titrədi

Yaponiyanın şimal-şərq hissəsində maqnitudası 5,5 bal olan zəlzələ baş verib.

ANS PRESS-in məlumatına görə, episentri Miyaqi prefekturasından şərqdə, ocağı isə 30 km dərinlikdə yerləşən yeraltı təkanlar İvate və Fukusima prefekturalarında da hiss olunub. Bu barədə ölkənin milli meteoroloji idarəsi xəbər yayıb.

Zəlzələ ümumi olaraq, Miyaqi, İvate və Fukusima prefekturaları da daxil olmaqla – 12 prefekturada hiss olunub. Baş verən yeraltı təkanlar nəticəsində hər hansısa bir dağıntı və fəlakət barədə məlumat verilməyib.

Sunami təhlükəsinin olmadığı bildirilir.