“Google” şirkəti WhatsApp messencerinin analoqunu yaradır.
CİA.az Musavat.com-a istinadən xəbər verir ki, bu barədə “The Economic Times” yazıb. “Google”nın ani ismarış mübadiləsi üçün pulsuz əlavəsi 2015-ci ildə istifadəyə veriləcək. Nəşrin məlumatına görə, şirkət əvvəlcə yeni messenceri Hindistanda istifadəyə vermək niyyətindədir. Əlavə “Google”də qeydiyyat tələb etməyəcək.
Qeyd edək ki, Avropa Komissiyası WhatsApp-ın Facebook tərəfindən satın alınmasına razılıq verib. Sövdələşmənin dəyəri 19 milyard dollar təşkil edib.
