Samara vilayətinin Sızran rayonunun keçmiş polis rəisi Andrey Qoşt və onun ailə üzvlərinin qətlində ittiham olunanların barəsindəki həbs müddəti dörd ay uzadılıb.
Bu bardə “Arqumentı i Faktı” nəşri məlumat yayıb. Keçmiş polis rəisinin və doğmalarının qətlində əli olanlardan üçü – 24 yaşlı Orxan Zöhrabov, 23 yaşlı Roman Fətəliyev və 22 yaşlı İslam Babayev Azərbaycan, cinayətin digər iştirakçısı 23 yaşlı Məhmədəli Əhmədov isə Tacikistan vətəndaşıdır.
Xatırladaq, bu qətliam aprel ayının 24 -də gecə saatlarında Sızran rayonunun İvaşevka kəndində, A.Qoştun valideynləri yaşayan evdə baş verib. Hadisənin yeganə canlı şahidi, ağır kəllə-beyin sınığı ilə xəstəxanaya çatdırılan sabiq polis rəisinin 7 yaşlı qardaşı qızı olub. Qatillər qurbanlarının bəzi şəxsi əşyalarını özləri ilə götürüblər.
Faktla bağlı cinayət işi qaldırılıb, istintaq davam edir.
Cia.az
