Türkiyənin "Hürriyet" qəzetinin yaydığı son məlumata görə, İstanbulda avtobus dayanacağının yaxınlığında baş verən partlayış nəticəsində ölənlərin sayı 11 nəfərə çatıb, 36 nəfər xəsarət alıb.
Ölənlərdən 7-si polis əməkdaşıdır.
TRT Haber telekanalının yaydığı məlumata görə isə həlak olanlardan biri azərbaycanlıdır.
Xatırladaq ki, partlayış Bakı vaxtilə saat 9:40-da İstanbulun mərkəzində Beyazıt rayonunun Vezneciler dayanacağının yaxınlığında xüsusi təyinatlı polis maşınının keçdiyi zaman baş verib.
Partlayışdan sonra odlu silahdan açılan atəş səsləri eşidilib. İlkin məlumatlara görə, kənarda saxlanılan minalanmış maşın partlayıb.
* * *11:09
Bu gün istanbulda törədilən terror aktı nəticəsində iki nəfər ölüb, səkkiz nəfər isə yaralanıb.
Bu barədə “CNN Türk” xəbər yayıb.
Yaralılardan bəzilərinin vəziyyətinin ağır olduğu bildirilir. Hələlik heç bir qruplaşma terror aktına görə məsuliyyəti öz üzərinə götürməyib.




* * *10:27
İstanbulda polis avtomobilində partlayış olub.
Trend Türkiyənin TRT Haber telekanalına istinadən məlumat verir ki, hadisə yerinə yanğınsöndürən maşınlar və xilasedicilər cəlb edilib.
Hadisə avtobus dayanacağı yaxınlığında baş verib. Partlayışdan sonra ərazidə atışma səsləri eşidildiyi bildirilir.
Telekanalın verdiyi xəbərə görə, partlayış nəticəsində xəsarət alanlar var. Polis ikinci partlayış təhlükəsini ehtimal edir.
Cia.az
