|
Krım-tatar xalqının məclisi ekstremist təşkilat kimi tanına bilər

Krım prokuroru Natalya Poklonskaya məhkəmə yolu ilə Krım-tatar xalqının məclisinin ekstremist təşkilat kimi tanınmasına çalışır.

Qadın prokuror Məclisin fəaliyyətinin Rusiyada qadağan olunmasını istəyir.

«Mən Krım Respublikasının Ali məhkəməsinə ərizə ilə müraciət etmişəm ki, «Krim-tatar xalqının məclisi» ictimai birliyi ekstremist təşkilat kimi tanınsın və Rusiya ərazisində onun fəaliyyəti qadağan edilsin», - Poklonskaya belə deyib.

Onun sözlərinə görə, prokurorluğun əlində Məclisin liderlərinin Rusiya dövlətinin əleyhinə ekstremist fəaliyyət göstərmələri barədə faktlar var.

Natalya Poklonskaya sözlərinə əlavə edib: «Prokurorluğa mindən artıq krım tatarını təmsil edən ictimai təşkilatlardan, Krım yarımadasının krım-tatar əhalisindən müraciətlər daxil olur və bu müraciətlərdə Məclisin fəaliyyətinin qanuna zidd və təxribatçı kimi tanınması xahiş olunur».

Cia.az