|
Rusiyadan 1 trilyonluq özəlləşdirmə planı
Yaxın iki ildə Rusiya hakimiyyəti özəlləşdirmədən 1 trilyon rubl qazanmaq fikrindədir.
Bu barədə “Vedomosti” qəzeti yazıb. 
Səhmləri satışa çıxarılan dövlət şirkətləri arasında “Rostelekom”, “Transneft”, “Aeroflot”, “Rosneft”, “Sovkomflot” kimi şirkətlər var. 
Özəlləşdirmə haqda qərar artıq bu həftə Putinin keçirəcəyi iclasda qəbul oluna bilər. Qəzet yazır ki, İqtisadi İnkişaf nazirinin keçən ilin sonu verdiyi bu təklif Putin tərəfindən dəstəklənib.
Rəsmi plan 33 milyard rubl dəyərində səhmlərin satışa çıxarılmasını nəzərdə tutsa da, neft qiymətlərinin ucuzlaşması üzündən dövlət daha irihəcmli satışlara getməyə məcburdur.
“Rosnano”, “Rostelekom”, “Rospirtprom” şirkətlərinin tam özəlləşdirilməsi nəzərdə tutulsa da, “Rosneft”, “Başneft” kimi dövlət neft şirkətlərinin səhmlərinin bir hissəsinin satışa çıxarılacağı gözlənilir. 
Təkcə “Rosneft”in 19,5% payının satılmasından dövlət büdcəsi yarım trilyon rubl qazana bilər. (Avropa)
Cia.az