Azərbaycan Milli Elmlər Akademiyası (AMEA) Rəyasət Heyətinin üzvü, AMEA-nın həqiqi üzvü, biologiya elmləri doktoru Cəlal Əliyev l Fəxri xiyabanda qardaşı, akademik Aqil Əliyevin yanında dəfn olunub.
Dəfn mərasimində Prezident Administrasiyasının rəhbəri, akademik Ramiz Mehdiyev, baş nazirin müavini İsmət Abbasov, daxili işlər naziri Ramil Usubov, fövqəladə hallar naziri Kəmaləddin Heydərov, Mərkəzi Seçki Komissiyasının sədri Məzahir Pənahov, SOCAR prezidenti Rövnəq Abdullayev, Qafqaz Müsəlmanları İdarəsinin sədri Şeyxülislam Allahşükür Paşazadə, deputatlar, ziyalılar, mərhumun ailə üzvləri iştirak edib.




* * *13:58
Akademik Cəlal Əliyevlə vida mərasimi keçirilir.
Azərbaycan Milli Elmlər Akademiyasının Əsas binasında keçirilən mərasimə dövlət və hökumət nümayəndələri, elm adamları qatılıblar.
Prezident Administrasiyasının rəhbəri, akademik Ramiz Mehdiyev də mərasimdə iştirak edib.
* * *12:30
Akademik Cəlal Əliyevlə vida mərasimi başlayır.
APA-nın məlumatına görə, akademikin cənazəsi vida mərasiminin keçiriləcəyi AMEA-nın əsas binasının "Dairəvi zalı"na gətirlib.
Akademik C. Əliyev uzun sürən xəstəlikdən sonra 88 yaşında vəfat edib. O, I Fəxri xiyabanda dəfn olunacaq.




