|
Gürcüstanın baş naziri istefa verdi

Gürcüstanın baş naziri İrakli Qaribaşvili vəzifəsindən istefa verib.

Trend-in "Qruziya Onlayn"a istinadən verdiyi məlumata görə, bu barədə İ.Qaribaşvili hökumət administrasiyasının təcili brifinqində bildirib.

Virtualaz.org xarici KİV-lərə istinadən xatırladır ki, İrakli Qaribaşvili bundan sonra "Gürcü arzusu - demokratik Gürcüstan" və "Gürcü arzusu" seçki qərargahına başçılıq edəcək.

Gürcüstan KİV-lərində yayılan xəbərlərə görə isə baş naziri xarici işlər naziri Georgi Kvirikaşvili əvəz edəcək. Bundan başqa, Nazirlər Kabinetində digər dəyişikliklər də gözlənilir.

Cia.az