|
Qırıcı təyyarə dənizə düşdü

Qavdos adası yaxınlığında reyd keçirən Yunanıstan hərbi hava donanmasına aid “F-16” təyyarəsi Krit adası sahillərində Aralıq dənizinə düşüb.

ANS PRESS-in məlumatına görə, hadisəyə təyyarənin mühərrikində meydana gələn nasazlığın səbəb olduğu bildirilir.

Yerli vaxtla saat 14 radələrində baş vermiş qəzada təyyarədə olan 2 pilot katapult sistemindən istifadə edərək xilas olublar.

Paraşütlə tullanaraq dənizə düşən pilotlar sahil təhlükəsizlik qüvvələri tərəfindən xilas edilərək xəstəxanaya çatdırılıblar.

Qəzadan sonra dənzin səthində təyyarənin hissələrini nümayiş etdirən yerli telekanallar qəzanın uçuşdan 15 dəqiqə sonra baş verdiyini bildiriblər.