|
Əfv Komissiyası bu gün yeni iclasa toplaşdı

Bir qədər öncə Prezident yanında Əfv Məsələləri Komissiyası növbəti iclasına toplaşıb.

Modern.az-ın məlumatına görə, iclasda əfvlə bağlı müraciətlər və bununla əlaqədar digər məsələlər müzakirə olunur.

Komissiya üzvlərinin sayta verdiyi məlumata görə, bu, qurumun son bir neçə gündə keçirdiyi dalbadal 3-cü iclasdır. İclaslarda müraciətlərin araşdırılması başa çatdıqdan sonra əfv siyahısı dövlət başçısına təqdim olunacaq .

O da bildirilib ki, 31 dekabr Dünya Azərbaycanlılarının Həmrəyliyi günü münasibətilə Azərbaycan prezidenti tərəfindən əfv sərəncamı imzalanacaq. Budəfəki sərəncamın daha çox məhkuma şamil olunacağı gözlənilir.

Cia.az