|
İtkin neftçilərin axtarışında peykdən istifadə ediləcək?

Dekabrın 4-də əlverişsiz hava şəraiti ilə əlaqədar "AzerSky" aşağı orbitli peyk "Günəşli" dəniz neft platformasının çəkilişlərini edə bilməyib.

Bunu Trend-ə "Azərkosmos" ASC-dən deyiblər.

ASC-dən qeyd ediblər ki, xilasetmə əməliyyatına cəlb edilmiş helikopterlər və gəmilərin köməkliyi ilə daha dəqiq çəkilişlər etmək mümkündür. Buna görə də peykdən bu məqsədlər üçün istifadə edilməsinə zərurət yoxdur.

ASC-dən bildiriblər ki, peykin resurslarından iriqmiqyaslı fövqəladə halların qiymətləndirilməsi və aradan qaldırılması üçün istifadə edilə bilər: "Bura zəlzələ, daşqın, neftlə çirklənməni aid etmək olar".

Cia.az