|
Ərdoğanın Merkellə bağlı sualına... -

G20 Liderlər Zirvəsi çərçivəsində Türkiyə prezidenti Ərdoğan rusiyalı həmkarı ilə təkbətək görüşüb.

Gecə saatlarında baş tutan görüş Zirvənin keçirildiyi Regnum Oteldə mətbuatın iştirakı olmadan 1 saata yaxın davam edib.

Görüşdə əsas müzakirə mövzusu Suriya və qaçqın problemləri olub. Ərdoğan Putinin Suriya dövlət başçısını dəstəkləyən siyasəti ilə bağlı narahatlığını ifadə edib.

Daha sonra liderlər mətbuat qarşısına keçiblər. Ərdoğanın “Merkellə görüşünüz necə keçdi” sualına Putin gülümsəyərək “good, very good” cavabını verib.

Bu arada Putinlə görüşdən əvvəl mətbuat qarşısında maraqlı anlar yaşanıb. Foyedə qonaqlar üçün nəzərdə tutulan şaftalılardan birini götürən Ərdoğan əvvəlcə onu bıçaqla kəsmək istəsə də, sonra “üzrlü sayın, dişləyib yeyəcəm” – deyərək jurnalistlərə üzünü tutub. 

Ərdoğanın Merkellə bağlı sualına... -  “Good, very good”

Cia.az