|
İndoneziya iki dəfə silkələndi

İndoneziyanın sahillərində seysmik fəallıq qeydə alınıb.

ANS PRESS-in məlumatına görə, İndoneziyanın mərkəz və qərb hissələrində iki güclü zəlzələ qeydə alınıb.

Onlardan birinin episentri Moluk dənizinin şimal hissəsində “Rixter” cədvəli üzrə 5,9 bal gücündə olub. Yeraltı təkanların “dağıdıcı” təsirə malik olduğu bildirilir.

Maqnitudası 5,7 bal gücündə olan ikinci zəlzələ isə Sumatra adasının qərb sahilində, Hind okeanının akvatoriyasında qeydə alınıb. Bu zəlzələnin də episentrdə çox güclü olduğu vurğulanır.

Dağıntı və fəlakət haqqında məlumat verilmir.