|
Şeyx qan verdi
Xəbər verildiyi kimi, Aşura günü ilə bağlı Təzəpir məscidində qanvermə aksiyası keçirilir.
B. Eyvazov adına Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva APA-ya açıqlamasında deyib ki, Aşura günü ilə bağlı Təzəpir məscidində qanvermə aksiyası saat 7:30-da başlayıb və saat 9:30-a qədər 108 nəfər qanvermə aksiyasında iştirak edib.
 
Qeyd edək ki, Aşura günü ilə əlaqədar Səhiyyə Nazirliyi və Qafqaz Müsəlmanları İdarəsi tərəfindən irsi qan xəstəliklərindən əziyyət çəkənlərə yardım məqsədilə könüllü qanvermə aksiyaları başlayıb. Aksiyalar ölkənin 14 məscidində keçirilir.
 
Musavat.com reportyorunun verdiyi xəbərə görə, Qafqaz Müsəlmanları İdarəsinin sədri Şeyxülislam Allahşükür Paşazadə də "Təzəpir məscidində, öz iş otağında qan verib. Qanvermə aksiyasında Dini İşlər üzrə Dövlət Komitəsinin sədri Mübaruz Qurbanlı və şeyxin qardaşı, deputat Cavanşir Paşazadə də iştirak edib. 
 


Cia.az