|
Misirdə daha iki polis öldürüldü
Misirdə silahlı toqquşmalar baş verməkdə davam edir.
 
Sina yarımadasındakı Ariş kəndində naməlum şəxslərin odlu silahdan atəş açması nəticəsində iki polis həyatını itirib.
 
Son məlumatlara görə, cinayətkarların ələ keçirilməsi üçün axtarışlar davam etdirilir.
 
Digər tərəfdən, başqa bir polis işdən evə qayıtdığı əsnada silahlı hücuma məruz qalıb. Nəticədə polis ağır yaralanıb. 
 
Misirin Sina yarımadasında son zamanlar polislərə qarşı hücumlar təşkil olunur. 
 
Qeyd edək ki, bu hücumlara görə məsuliyyəti terror təşkilatı DAEŞ-ə biət etdiyini açıqlayan “Sina Vilayəti” adlı qruplaşma öz üzərinə götürmüşdü.
Cia.az