|
İran Məkkəyə xüsusi heyət göndərəcək -

İran xarici işlər nazirinin müavini Həsən Kaşkavi Səudiyyə Ərəbistana diplomatlar və media mənsublarından ibarət xüsusi bir heyət göndərəcəyini açıqlayıb.

Cia.az İranın dövlət televiziyasına istinadən xəbər verir ki, Kaşkavi Minadaki izdihamdan sonra yığıncaq təşkil edib və Səudiyyə Ərəbistana xüsusi bir heyətin göndərilməsi barədə qərar qəbul edib. 

Kaşkavi özünün heyətə başçılıq edəcəyini bildirib.

Heyətin vəzifəsi izdiham nəticəsində itkin olan vətəndaşların vəziyyətini araşdırmaq, yaralı və vəfat edənləri ölkəyə nəql və izdihamın gerçək səbəbini araşdırmaqdan ibarət olacaq.

Nazir müavini Səudiyyə Ərəbistan rəhbərliyindən viza üçün təsdiq gözlədiklərini söyləyib.


Qeyd edək ki, Məkkədəki izdihamda 136 iranlının həyatını itirib, 102 iranlı isə yaralanıb.

Cia.az