UEFA Avropa Liqasının qrup mərhələsinin ilk oyunları keçirilib. Apasport.az saytının məlumatına görə, təmilçimiz “Qarabağ” da bu mərhələdə ilk oyununa çıxıb.
Çempionumuz Londonda “Tottenhem”in qonağı olub. Matça təmsilçimiz sürətli başlayıb. Bunun nəticəsində isə erkən qola sevindik. Qarşılaşmanın 7-ci dəqiqəsində Riçard Almeyda penalti zərbəsini dəqiq yerinə yetirdi.
Ancaq bu qoldan sonra hücumları artıran londonlular 20 dəqiqə sonra cavab qolunu, bundan bir dəqiqə sonra isə 2-ci qolu ağdamlıların qapısından keçirdi. Hər iki halda koreyalı hücumçu Son fərqləndi.
Oyunun sonlarında isə Erik Lamela matçda son nöqtəni qoyaraq nəticəni elan etdi.
UEFA Avropa Liqası
Qrup mərhələsi, I tur
17 sentyabr
“Tottenhem” (İngiltərə) – “Qarabağ” (Azərbaycan) - 3:1
Qol: Son, 28, 29, Lamela, 87 - Almeyda, 6
London. “Uayt Hart Leyn”. Hakimlər: Adrien Yakkottet, Raffael Zeder, Vital Yobin, Yohannes Vogel (İsveçrə)
“Tottenhem”: 1. Huqo Lloris, 3. Danni Rous, 4. Tobi Alderveyld, 15. Erik Dayer, 16. Kiran Tripper, 27. Kevin Vimmer, 11. Erik Lamela, 17. Andros Taunsed, 20. Dele Alli, 28. Tom Kerol, 7. Son Hunq-Min
Ehtiyat oyunçular: 13. Mişel Vorm, 21. Federiko Fazio, 33. Ben Deyvis, 14. Klinton Nijye, 25. Coşua Onoma, 29. Harri Vinks, 10. Harri Keyn
Baş məşqçi: Mourisio Pokettino
“Qarabağ”: 13. İbrahim Şehiç, 5. Maksim Medvedev, 14. Rəşad Sadıqov, 25. Ansi Aqolli, 55. Bədavi Hüseynov, 2. Qara Qarayev, 10. Dani Kintana, 20. Riçard Almeyda, 22. Əfran İsmayılov, 77. Cavid Tağıyev, 9. Reynaldo
Ehtiyat oyunçular: 1. Fərhad Vəliyev, 18. İlqar Qurbanov, 32. Elvin Yunuszadə, 8. Miçel, 67. El Harbi El Jadeoui, 91. Coşqun Diniyev, 90. Samuel Armenteros
Baş məşqçi: Qurban Qurbanov
Cia.az
