|
Rus jurnalist Ferqüsonda yaralandı

Amerika Birləşmiş Ştatlarının (ABŞ) Sent Luis şəhərinin Ferqüson qəsəbəsində polisin afroamerikalı gənci öldürməsi ilə əlaqədar məhkəmənin verdiyi qərarı doğru hesab etməyən etirazçılarla polislər arasında qarşıdurmalar yaşanmaqdadır.

ANS PRESS-in məlumatına görə, Andlılar Məhkəməsinin verdiyi qərardan sonra ölkənin bir çox şəhərlərində əhali yenidən etirazlara başlayıb. Baş verən hadisələri yaxından izləmək və xəbər vermək üçün həmin bölgədə olan Rusiyanın ingiliscə yayımlanan “Rossia Today” (RT) telekanalının jurnalisti etirazçılara müdaxilə edən polisin atdığı gözyaşardıcı qaz mərmisi nəticəsində yaralanıb.

Lorena de la Kausta adlı jurnalist baş verənləri “RIA novosi”yə danışıb: “Etirazçılarla birlikdə sakit şəkildə hərəkət edirdim və qəfildən hamı digər istiqamətə qaçmağa başladı. Polis yaxınlaşırdı. Elə həmin vaxt ayağıma sərt bir zərbə dəydiyini hiss etdim və bunun gözyaşardıcı qaz mərmisi olduğunu anladım. Gözlərim yanırdı, nəfəs ala bilmirdim, çox pis idim.”