|
Türkiyə ingilis qəzetinin hədəfində...
İkinci Dünya Müharibəsindən sonra  bəşəriyyət ən böyük qaçqın böhranını yaşayır.
Suriya müharibəsi ilə əlaqədar yaranan  böhrandan ən çox əziyyət çəkən Türkiyə olmasına baxmayaraq, qərb mediası  qardaş ölkəyə qarşı əsassız ittihamlarını davam etdirir. 
Xüsusilə  də  ingilis və alman mediası  öz ölkələrinin  suriyalı qaçqınlara  laqeyd yanaşmasına baxmayaraq,  2 milyon qaçqını qəbul etmiş  Türkiyəyə əsassız ittihamlar irəli sürürlər.
İngiltərənin  "Times" qəzeti Türkiyənin Suriyadan qaçan kürdləri "soyuq qarşıladığını" iddia edib. İŞİD-in  irəliləyişi qarşısında Kobanidən qaçan kürdlərə Türkiyədə şübhə ilə yanaşıldığı və bürokratik  maneələrlə qarşılaşdığını irəli  sürən qəzet, keçən ilin  sentyabr ayında  200 min kürdün Türkiyəyə keçdiyini xatırladır.
 
Qəzet iddia edir ki, Türkiyə  Suriyadan  gəlmiş  ərəb və türkmən qaçqınlara  yaxşı münasibət bəslədiyi halda, kürd qaçqınlara  qarşı  sərt münasibət sərgiləyir.
 
Türkiyənin qaçqınlar üçün göstərdiyi böyük səylərə dil uzadan  "Times", BMT-inin  türk hökumətini, Suriyadan qaçanlar üçün inşa etdiyi düşərgələr və onların problemlərinə həssas yanaşdığı üçün təriflədiyini, lakin  rəsmi Ankaranın kürdlərə münasibətdə aşağılayıcı mövqe göstərdiyini qeyd edib.
 
Xatırladaq ki, İngiltərənin "Times" qəzeti Türkiyəyə qarşı  sərt mövqeyi ilə seçilir. Qəzet  hər zaman guya  Türkiyədə  "kürd probleminin"  olmasını qabardır, PKK terrorçularını müdafiə edir və PKK-nın terror aktlarını  "kürd xalqının  azadlıq uğrunda savaşı" qiymətləndirir.
Cia.az