|
Türkiyə Suriya ilə sərhəddə beton sədd çəkir

Türkiyə hökuməti ölkənin cənubunda Reyhanlı şəhərində Suriya ilə sərhəddə 45 kilometrlik beton səddin tikintisinə başlayıb. 

Cia.az oxu.az-a istinadən xəbər verir ki, Türkiyənin Doğan agentliyinin məlumatına əsasən, şəhərdə artıq uzunluğu 12 kilometr olan sədd çəkilib.

Türkiyə rəsmiləri məlumatı şərh etməkdən imtina ediblər.

Qeyd edək ki, son vaxtlar Suriya ərazisindən terrorçuların ölkəyə keçməsinin qarşısını almaq məqsədilə Türkiyə hökuməti qonşu dövlət ilə sərhəddə təhlükəsizlik tədbirlərini artırıb.

Cia.az