|
20 dollara 1000 dollar bəxşiş

Amerikadakı restoranların birində yemək yeyən müştəri 20 dollar 21 sentlik yeməyə 1000 dollar bəxşiş verib. Ofisiant olaraq çalışan Brendan Motill hər zaman olduğu kimi restorandakılara söhbət edərkən müştərilərdən birinə yeməyin hesabını aparıb. Bundan sonra masada oturan şəxs hesabı ödəyib. Müştəri getdikdən sonra bəxşişi görən ofisiant şoka düşüb. Unilad.com saytının xəbərinə görə, Motill bəxşişi gördüyü zaman hiss etdiklərini belə izah edib: “Bəxşişi gördüyüm zaman şoka düşdüm. Heç bir şey edə bilmədim. Müştəri çox sadə adam idi. Gedib təşəkkür etmək istədim, lakin çıxmışdı. Kimliyi bəlli olmayan müştəri hesabın 50 qatı qədər bəxşiş verdiyi ofisiant üçün qısa məktub da yazıb: “Brendan, xidmətinə görə təşəkkür edirəm. Ofisiant olaraq çox yaxşı çalışırsan. Ümidlərinin nə olduğunu bilmirəm, amma bəxşişin işə yarayacağını düşünürəm. Dünya çox çətindir. İnsanların həyatını asanlaşdırmaq üçün təsadüfi yaxşılıqlar edirəm. Özünə yaxşı bax, qardaşım”. 

Cia.az