Almaniya kansleri Angela Merkel Yunanıstanın borclarının silinməsinin mümkün olmadığını bəyan edib. Musavat.com-un xarici KİV-ə istinadən verdiyi xəbərə görə, bu barədə o, ARD telekanalına müsahibəsində bildirib.
“Valyuta ittifaqında belə bir şey (silinmə) mümkün deyil” – deyib kansler.
Bununla belə, Almaniya hökumətinin başçısı onu da qeyd edib ki, kreditlərin verilməsi üçün şərtlərin yumşaldılmasını müzakirə eləmək olar. “O sırada borcların qapadılması müddətinin uzadılması və faiz dərəcəsinin aşağı salınması mümkün ola bilər” - əlavə edib kansler.
Az öncə vahid Avropa valyutası üzrə avrokomissar Valdis Dombrovskis bildirmişdi ki, Avropa Komissiyası iki həftə ərzində Yunanıstanla yeni proqram üzrə maliyyə köməyi haqda anlaşma planlaşdırır.
Cia.az
