|
Taliban liderindən mühüm açıqlama

Taliban lideri Molla Məhəmməd Ömər Əfqanıstan hökuməti ilə barışığa dəstək verdiyini açıqlayıb.

Musavat.com-un "Reuters" agentliyinə istinadən verdiyi xəbərə görə, Ramazan bayramından əvvəl  açıqlama verən Taliban lideri, "İslam dini düşmənlərlə  qarşılıqlı sülh əlaqələrinə qarşı deyil" deyə qeyd edib.
Ötən həftə Pakistanda Taliban lideri Molla Ömər ilə  Əfqanıstanın hökümət nümayəndələri arasında  ilk rəsmi görüş baş tutub.  Rəsmilər bildiriblər ki, xarici  qüvvələrin işğalına son qoymağın yolu bu səpkidə olan görüşlərdən keçir.
Pakistanda həyata keçirilən görüşlərin  Ramazan bayramından  sonra da baş tutacağı istisna edilmir. 
 
Taliban lideri Əfqanıstan və bölgədəki İŞİD tərəfdarları barədə danışmasa da, "Müsəlman dünyası birlik və qardaşlığını qorumalıdır "- deyə vurğulayıb. 
Cia.az