|
59.5 milyon insanla bağlı -

BMT qaçqınlarla bağlı acınacaqlı hesabatını ictimaiyyətə açıqlayıb.
Cia.az-ın məlumatına görə, 2014-cü ildə müharibə, münaqişə və təqib nəticəsində evlərindən didərgin düşənlərin sayı rekord təşkil edən 59.5 milyona çatıb. 

BMT statistikası 19.5 milyon qaçqın, 38.2 miyon məcburi köçkün və sığınacağa müraciət edən 1.8 milyon adamı əhatə edir. 

Hesabatda qeyd olunur ki, qaçqınların yarısından çoxu uşaqlardır.

Birləşmiş Millətlər Təşkilatının Qaçqınlar üzrə Ali Komissarlığı (UNHCR) tərəfindən hazırlanmış sənədə əsasən ötən ilə nisbətdə evlərini tərk etməyə məcbur olmuş insanların sayı artaraq 8.3 milyona çatıb.

Qaçqınların sayının rekord həddə çatmasında əsas amil Suriyada davam edən münaqişədir.

Qaçqınlarla işi üzrə BMT-nın baş rəsmisi Antonio Guterres vəziyyətin gündən-günə pisləşdiyini bildirib. "Getdikcə daha çox insan əziyyət çəkir, bədbəxtlikdən onların hamısına dəstək vermək imkanı yoxdur" - deyə, Guterres təəssüfünü gizlətməyib.

Cia.az