|
Berluskonin partiyası Azərbaycana qarşı çıxdı

İtaliyanın sabiq baş naziri Silvio Berluskoninin “İrəli, İtaliya” (Forza Italia) partiyası vurulan erməni helikopterinə görə Azərbaycanı ittiham edib.

AzNews.az xəbər verir ki, bu haqda məlumatı İtaliyanın “ Free News Online” saytı yayıb.

Partiyanı parlamentdə təmsil edən deputatlar çıxış edərək bildiriblər ki, Azərbaycan ordusunun erməni helikopterini vurması Qafqaz müharibəsini yenidən qızışdıra bilər: “Biz azərbaycanlıların bu provakasiyasına qarşı çıxırıq. Artıq Avropa Birliyi, ATƏT, Rusiya Federasiyası, ABŞ və Fransa bu olaya öz münasibətini bildirib. İtaliya hökuməti isə susur”.

Qeyd edək ki, noyabr ayının 12-də saat 13.45 radələrində Ermənistanın işğal etdiyi Azərbaycan torpağında bir erməni helikopteri atəş açmağa cəhd göstərdiyinə görə vurulub.