Rusiyada bankdan 18 milyon rubl (370 min AZN) oğurlayan ermənilər saxlanılıb.
ANS PRESS-in məlumatına görə, 4 Ermənistan vətəndaşı Kaluqada banka silahlı hücuma cəhd ediblər. Rusiya Federasiyasının Daxili İşlər Nazirliyinindən bildirilib ki, soyğun bu ilin avqust ayında baş verib. Cinayəti törədən şəxslər 44 - 36 yaşlarında 4 Ermənistan vətəndaşı olub.
Aparılan axtarış tədbirlərindən sonra oğruların üzərindən travmatik tapança, telefonlar, xəritə götürülüb. Bununla yanaşı oğruların xarici avtomobilləri də polisin nəzarətinə götürülüb.
Oğurluq maddəsi ilə cinayət işi açılıb. Cinayətkarlar Rusiya qanunvericiliyinə əsasən, 15 ilə qədər azadlıqdan məhrum edilə bilərlər.
