"Azərsu" ASC-də Azadlıq prospektində yanan binanın sakinləri ilə bağlı qərar verib.
Qurumun mətbuat xidmətindən Cia.az-a verilən məlumata görə, yanğından zərər çəkmiş insanların harada yaşamalarından asılı olmayaraq istifadə etdikləri içməli su və göstərilən kanalizasiya xidmətlərinin dəyəri öz mənzillərinə qayıdanadək, həmçinin indiyə qədər olan borcları “Azərsu” ASC-nin hesabına ödəniləcək.
Qeyd edək ki, bunadək yanan binanın sakinlərinin telefon, internet və elektrik enerjisinə görə borcları da silinmişdi.
CİA.AZ
