REAL Hərəkatının sədri İlqar Məmmədov dünən 7 sutkalıq karserə salınıb.
Bu haqda REAL Hərəkatının icra katibi Natiq Cəfərli sosial şəbəkədə məlumat yayıb. O bildirib ki, REAL Hərəkatının sədri İlqar Məmmədov dünən axşam saatlarında səbəbini izah etmədən 7 sutkalıq cərimə kamerasına, karserə salınıb:
“Bu gün səhər İlqar bəyin vəkili Fuad Ağayev 2 saylı cəzaçəkmə müəssisəsinə getsə də, qeyri-qanuni olaraq İlqar Məmmədovla görüşünə icazə verilməyib, karserə salınma səbəbi də izah edilməyib. REAL Hərəkatı olaraq Ombudsman Aparatından və Qırmızı Xaç Komitəsindən rica edirik ki, dərhal İlqar Məmmədovun durumu ilə maraqlanaraq, ictimayyətə məlumat versinlər. Dünəndən bəri İlqar bəydən, onun sağlamlıq durumundan heç bir məlumat ala bilmirik”.
Cia.az
