|
Ferqüsonda yenə ara qarışdı

ABŞ-ın Missuri ştatının Ferqüson şəhərində polislə etirazçılar arasında yeni iğtişaşlar baş verib. Yerli telekanalların verdiyi xəbərə görə, Ferqüson küçələrindən birində 200 nəfərin toplaşıb, bir neçə nəfər isə vandalizm hərəkətləri etməyə başlayıb.

Aksiya iştirakçılarının toplanmasına bir neçə ay əvvəl polis tərəfindən öldürülən qaradərili gənc Maykl Braunun memorialının naməlum şəxslər tərəfindən yandırılması əsas verib. Etirazçılar polisin dağılışmaq barədə göstərişinə daş və butulkalar atmaqla cavab verib. İğtişaşlar zamanı azı 5 nəfər həbs olunub, 2 polis əməkdaşı isə xəsarət alıb.

Avqustun 10-da qaradərili gəncin ağdərili polis tərəfindən güllələnərək öldürülməsi Ferqüson şəhərində etiraz aksiyalarının başlamasına səbəb olmuş, iğtişaşlar zamanı onlarla etirazçı və polis xəsarət almışdı.