|
Dünyanı dəyişəcək görüş

ABŞ-ın dövlət katibi Con Kerri Soçidə Rusiya prezidenti Vladimir Putin ilə görüşəcək.
Bu barədə ABŞ Dövlət Departamenti xəbər yayıb.
Bildirilir ki, Con Kerri mayın 11-də Soçiyə yola düşüb və xarici işlər naziri Sergey Lavrov və Rusiyanın başqa rəsmi şəxsləri tərəfindən qarşılanıb. Bu gün isə prezident Vladimir Putinlə görüşəcək.
Görüşdə ikitərəfli, həmçinin İran, Suriya və Ukrayna daxil olmaqla regional və beynəlxalq məsələlər müzakirə olunacaq. 
Dövlət Departamentinin məlumatında vurğulanır ki, C.Kerrinin bu səfəri yüksək vəzifəli Rusiya məmurları ilə birbaşa əlaqələrin saxlanılması üçün daimi səylərimizin bir hissəsidir. 
C.Kerri Soçidə çox qalmayacaq, görüş başa çatan kimi NATO-nun Türkiyədə görüşünə qatılacaq və dərhal Vaşinqtona uçacaq, prezident Barak Obamanın ərəb liderləri ilə sammitində iştirak edəcək.

Cia.az